१७ पुष, काठमाडौं । पूर्व मन्त्री, वर्तमान प्रतिनिधिसभा सदस्य तथा नेपाली कांग्रेसका केन्द्रीय सदस्य अम्बिका बस्नेतलाई मातृ शोक परेको छ ।
पूर्व मन्त्री अम्बिका बस्नेतको आमा कपिल कुमारी बस्नेतको ९८ वर्षको उमेरमा आज बौद्ध फुलबारीमा निवासमा दिउसो पौने २ बजे निधन भएको गोकर्णेश्वर नगरपालिकाका पूर्व नगर प्रवक्ता मनोज कुमार ढुंगानाले जानकारी दिए ।
कपिल कुमारीका २ छोरी अम्बिका बस्नेत र इन्दिरा कोइराला हुनुहुन्छ । मृतकको दाह संस्कार आजै पशुपति आर्य घाटमा हुनेछ ।