काठमाडौँमा फेरि थपिए १२ जना कोरोना संक्रमित

१६ असार, काठमाडौँ । मंगलबार काठमाडाैँमा १२ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार टेकु अस्पताल, त्रिवी शिक्षण अस्पताल र ललितपुरकाे पाटन अस्पतालमा गरिएकाे परिक्षणबाट काठमाडाैँका १२ जनामा काेराेना संक्रमण पुष्टि भएकाे हाे ।

काठमाडौँका ५ महिला र ७ जना पुरुषमा संक्रमण देखिएको हो । यसैगरी भक्तपुरकी १ महिला र ललितपुरका १ जना पुरुष पनि कोरोना संक्रमण पुष्टि भएकाे छ ।