FLASH NEWS
आज: ३० आश्विन २०७८, शनिबार | Sat, 16, Oct, 2021 Gokarneshwor TV HD

सडक र खानेपानी विभागका कारण अन्डरग्राउन्ड केबल बिछ्याउने कामले गति लिन सकेन् : कुलमान

गोकर्णेश्वर खबर१३ आश्विन २०७८, बुधबार ०९:२६ मा प्रकाशित (२ हफ्ता अघि) २२ पाठक संख्या

काठमाडौं । नेपाल विद्युत प्राधिकरणले सडक विभाग, खानेपानी विभागलगायतका निकायका कारण अन्डर ग्राउन्ड केबल बिछ्याउने कामले गति लिन नसकेको स्पष्ट पारेको छ।

प्राधिकरणका प्रबन्धनिर्देशक कुलमान घिसिङले अन्डर ग्राउन्ड केवल बिछ्याउने काममा सडक विभाग, खानेपानी विभागलगायतका कारण समस्या खडा भएको उल्लेख गर्दै समस्या समाधानका लागि प्रधानमन्त्री तथा मन्त्रिपरिषद कार्यालयले पहल गरिरहेको पनि जानकारी दिए।

उनले ती समस्या समाधान गरेर मुलुकमा सूचना प्रविधि क्षेत्रको विकासमा आवश्यक सहयोग पु¥याउन प्राधिकरण प्रतिवद्ध रहेको पनि बताए।

मंगलबार काठमाडौंमा आयोजित ‘नेपालमा सूचना प्रविधि प्रयोगको अवस्था र चुनौति’ विषयक अन्तरक्रिया कार्यक्रममा बोल्दै उनले नेपालको सूचना प्रविधि क्षेत्रको विकासमा प्राधिकरणले महत्वपूर्ण भूमिका निर्वाह गरेको दाबी समेत गरे।

उनले करिब ९५ प्रतिशत नेपालीहरुको घरमा विद्युतीकरण भईसकेको उल्लेख गर्दै त्यसले पनि सूचना प्रविधिको विकासमा उल्लेखनीय योगदान पु¥याउन सघाउ पु¥याएको स्मरण गराए।

प्रबन्धनिर्देशक घिसिङले भने, ‘अन्डर ग्राउन्ड केवल विछ्याउने काममा सडक विभाग, खानेपानी विभागलगायतका निकायहरुले समस्या खडा गरिरहेका छन र ती समस्या समाधानका लागि प्रधानमन्त्री तथा मन्त्रीपरिषद कार्यालयले पहल गरिरहेको छ । ती समस्या हामी छिट्टै समाधान गरेर अघि बढ्नेछौँ।’

उनका अनुसार प्रत्येक नेपालीको घरघरमा, गाउँगाउँमा अहिले करिब करिब ९५ प्रतिशत विद्युतीकरण भइसकेको छ। यसबाट हरेक घरमा प्राधिकरणको पोल पुगेको छ।

उनले भने, ‘यो सूचना प्रविधिको विकासका लागि ठूलो इन्फास्ट्रचर हो । कुनै पनि फाइबर तान्नुपर्यो भने त्यही पोल यूज हुन्छ । र फाइबर होम भनेर जुन हामी अहिले डिजिटल नेपालको अवधारणाअन्तर्गत आइरहेको छ । त्यो नेपाल विद्युत प्राधिकरणको इन्फ्रास्ट्रचरले धेरै सहयोग गरेको छ ।’

प्रबन्ध निर्देशक घिसिङले नेपाल विद्युत प्राधिकरणले कन्जुमरहरुबाट वार्षिक ७० अर्ब आयआर्जन गर्ने जानकारी पनि दिए।