आज: १५ चैत्र २०८०, बिहीबार | Thu, 28, Mar, 2024

स्कुल प्रांगणमै शिक्षकको विभत्स तरिकाले हत्या

गोकर्णेश्वर खबर२९ भाद्र २०७८, मंगलवार २१:३८ मा प्रकाशित (२ साल अघि) १९९ पाठक संख्या

सुर्खेत । दैलेखको गुराँस गाउँपालिकास्थित मालिका माध्यमिक विद्यालयमा कार्यरत शिक्षक नगेन्द्र बिसीको हत्या भएको छ ।

उनको शव मंगलबार विहान विद्यालय प्रांगणमै भेटिएको दैलेखका प्रहरी प्रमुख डीएसपी अनुप श्रेष्ठले जानकारी दिए । ‘स्कुल प्रांगणमा विभत्स तरिकाले शिक्षकको हत्या भएको छ,’ उनले भने ।

धारिलो हतियार प्रयोग गरेर हत्या गरेको देखिएको प्रहरीले जनाएको छ । प्रहरीले घटनामा संलग्नको आशंकामा २ जनालाई पक्राउ गरेको छ । उनीहरु विद्यालयसँगै जोडिएको पसल सञ्चालक हुन् ।

शिक्षक बिसी २०५६ सालदेखि विद्यालयमा कार्यरत थिए ।