FLASH NEWS
आज: ७ आश्विन २०७८, बिहीबार | Thu, 23, Sep, 2021 Gokarneshwor TV HD

भोलिसम्म सरकारले पूर्णता पाउँने कांग्रेस नेता मीन विश्वकर्माको दाबी

गोकर्णेश्वर खबर१३ भाद्र २०७८, आईतवार २२:५४ मा प्रकाशित (३ हफ्ता अघि) ५३ पाठक संख्या

काठमाडौं । सत्तारुढ नेपाली कांग्रेसका नेता मीन विश्वकर्माले सोमबार बेलुकासम्म सरकारले पूर्णता पाउने बताएका छन् ।

सरकारको पक्षमा बहुमत जुटिसकेको उल्लेख गर्दै नेता विश्वकर्माले सोमबार (भोलि) बेलुकासम्म सरकारले पूर्णता आउने प्रतिक्रिया दिएका हुन् । आइतबार रिपोर्टस क्लबमा आयोजित कार्यक्रममा उनले सत्तारुढ गठबन्धनका दलहरुबीचको सहमति भइसकेकाले अब सरकारलाई पूर्णता दिन ढिलाइ गर्नुपर्ने अवस्था नरहेको पनि बताए ।

‘सायद भोलि बेलुकासम्म सरकार विस्तार हुन्छ । सरकारले पूर्णता पाउँछ । ढिलो किन भयो ? भन्ने कुरा चाहिँ दलहरुबीचको वैधताका कुरा, अस्तित्वका कुरा, दल निर्माणको कुरा र दलहरुबीचको केही सहमतिको कुरा हो । अहिले सहमति पनि भइसकेको छ । दल निर्माण पनि भइसकेको छ । सरकारको पक्षमा स्पष्ट बहुमत पनि जुटिसकेको हुनाले अब ढिलाई हुँदैन’ उनले भने ।