FLASH NEWS
आज: ११ आश्विन २०७८, सोमबार | Mon, 27, Sep, 2021 Gokarneshwor TV HD

काठमाडौंमा भेरोसेल खोपको दोस्रो डोज साउन २२ गतेदेखि दिइने

गोकर्णेश्वर खबर१९ श्रावण २०७८, मंगलवार १६:५३ मा प्रकाशित (१ महिना अघि) १२४ पाठक संख्या

१९ साउन, काठमाडौं । काठमाडौंमा कोभिड–१९ विरुद्धको भेरोसेल खोपको पहिलो डोज लगाएका नागरिकले २२ साउनदेखि दोस्रो डोज पाउने भएका छन् ।

स्वास्थ्य कार्यालय काठमाडौंका प्रमुख बद्रीबहादुर खड्काले पहिलो डोज लगाई २१ दिन पूरा भएका नागरिकले २२ साउनदेखि खोप लगाउने कार्यक्रम तय भएको जानकारी दिए । तर औपचारिक निर्णय भने मंगलबार बस्ने जिल्ला कोभिड संकट व्यवस्थापन केन्द्र (डीसीसीएमसी)को बैठकले गर्ने उनले बताए । दोस्रो डोज खोप लगाउन आउने नागरिकले अनिवार्य रुपमा पहिलो डोज लगाएको खोप कार्ड र विद्युतीय (अनलाइन फारम) दर्ता नम्बर ल्याउनु पर्ने उनले बताए ।

डा. खड्काका अनुसार असार २९ गते यता भेरोसेलको पहिलो खोप लगाएका नागरिक १ लाख ६५ हजार छन् ।

खोपको पहिलो डोज लगाएको तीन हप्ता पूरा भएका नागरिकलाई काठमाडौंका सबै पालिकामा दोस्रो डोज खोप दिइने उनको भनाइ छ ।