FLASH NEWS
आज: २९ बैशाख २०७८, बुधबार | Wed, 12, May, 2021

कर्णालीमा फ्लोर क्रस भएपछि ओलीलाई चस्का,प्रदिप ज्ञवाली भन्छन्- ‘फ्लोर क्रस गर्ने निर्णय क्षम्य हुँदैन’

गोकर्णेश्वर खबर३ बैशाख २०७८, शुक्रबार २०:५९ मा प्रकाशित (३ हफ्ता अघि) ११० पाठक संख्या

काठमाडौं । नेकपा एमालेका नेता एवम् परराष्ट्रमन्त्री प्रदीपकुमार ज्ञवालीले फ्लोर क्रसलाई पार्टीमा देखिएको गम्भीर विचलन भनेका छन् । उनले ह्वीप नमानेर फ्लोर क्रस गर्ने निर्णय क्षम्य नहुने बताए ।

‘यो गम्भीर विचलनको विषय हो, क्षम्य हुन सक्दैन’, ज्ञवालीले भने । फ्लोर क्रस गर्नेहरुलाई कारबाही हुने पनि उनले बताए ।

शुक्रबार कर्णाली प्रदेशका मुख्यमन्त्री महेन्द्रबहादुर शाहीले प्रदेशसभामा विश्वासको मत माग्दा एमालेका चार सांसदले फ्लोर क्रस गरेर मुख्यमन्त्रीको पक्षमा मत दिएका थिए ।

एमाले संसदीय दलले मुख्यमन्त्रीको विपक्षमा मतदान गर्न ह्वीप जारी गरे पनि सांसदहरु प्रकाश ज्वाला, अम्बरबहादुर थापा, कुर्मराज शाही र नन्दसिंह बुढाले फ्लोर क्रस गरेका छन् । ज्वाला र बुढाले केही दिन अगाडि मात्रै मन्त्रीबाट राजीनामा दिएका थिए ।

कर्णालीको राजनीतिले केन्द्रमा समेत चस्का पसेको छ । केन्द्रमा पनि कर्णालीको नियती दोहोरीनेहो की भन्ने चिन्ता प्रधानमन्त्री केपी शर्मा ओलीलाई परेको छ ।