पछिल्लो २४ घण्टामा ८ सय ९९ जनामा कोरोनाभाइरस संक्रमण पुष्टि भएको छ । यससँगै नेपालमा कोरोना संक्रमितको कुल संख्या २ लाख ४७ हजार ५९३ पुगेको छ ।
स्वास्थ्य तथा जनसंख्या मन्त्रालयका अनुसार शुक्रबार ५,२४२ पिसिआर परिक्षण गरिएकोमा थप ८ सय ९९ जनामा कोरोना संक्रमण पुष्टि भएको हो ।
अब नेपालमा ११ हजार ६ सय ७३ जना सक्रिय संक्रमित रहेका छन् । पछिल्लो २४ घण्टामा थप १३ सय ५९ जनाले कोरोना जितेका छन् । यससँगै नेपालमा कोरोना जित्नेको संख्या २ लाख ३४ हजार २३१ पुगेको छ ।
पछिल्लो २४ घण्टामा १५ जनाले कोरोना संक्रमणबाट ज्यान गुमाएका छन् । योसँगै कोरोना संक्रमणबाट ज्यान गुमाउनेको संख्या १६८९ पुगेको छ ।