आज: ५ कार्तिक २०७७, बुधबार | Wed, 21, Oct, 2020

“हावा चलिरहेछ”- नरहरि घिमिरे

गोकर्णेश्वर खबर१ श्रावण २०७७, बिहीबार २२:४१ मा प्रकाशित (३ महिना अघि) २६६ पाठक संख्या

काठमाडौं ,साउन १ /  नरहरि घिमिरे

“हावा चलिरहेछ”

……………………….

थुचुक्क बसी एक थकित आमा,

                           पोकाको भारी बिसाएर ,सुस्ताउदै चौतारोमा

परबाट एकजोडी आँखाले उसको उपस्थिती

पछ्याइरहेका थिए यन्त्रवत् ।

 

आँखा नजिक बन्दै आए , गुटुटु एकजोडी खुट्टाको

                           सहारामा, उफ्रिदै चुलबुल गर्दै, बाख्राको पाठाे जस्तै

अनुहारका मोतिदाना पुछेर फरियाको फेरले ,

च्वाँस् च्वाँस पार्दै लाम्टाे चुसी उसले, र

अनुहार हेरेर मुस्कुराई आमाको, गुलाबको कोपिला जस्तै

दुधे दाँतले मातृत्वसल्यताम गहिरो दाग पारे ,

सुक्क सुक्क गर्दै आमा सल्बलाई ,

उसका औंलाले थाहै नपाई छोरीको कपाल सुम्सुमाए ।

 

सुर्केनी पारेको मझौत्रोको टुप्पोको गांठाे खोली आमाले,

तर मनमा गाठाे झन् झन् कसिलो बन्दै गयो।

पिपलगेडीका दुई दाना मुखमा

कोची छोरीको र

अनि आफूभन्दा दुइगुना अग्लो भारी मनभरी र

तनभरी बोकेर ,

लाम्टाेमा छोरी झुन्डाएरै उकालो लागि ,

“सिसिफस यात्रामा” , सुस्केरा मार्दै ।।

 (लेखक गोकर्णेश्वर नगरपालिका कार्यालयका प्रमुख प्रशासकिय अधिकृत हुनुहुन्छ ।)